Нашар көретіндерге арналған нұсқа

БОЛЖАУ БӨЛІМІ

01.11.2018

Бөлім басшысы

Борисова Наталья Григорьевна

Болжау бөлімі «Нұр-Сұлтан қаласы әкімдігінің Халықты жұмыспен қамту орталығы» КММ құрылымдық бөлімшесі ретінде 2017 жылдың тамыз айында ұйымдастырылған болатын.

Болжау бөлімінің негізгі міндеттері:

– жергілікті еңбек нарығының жай-күйін талдау және болжам жасау;

– елорда жұмыс берушілерінен экономиканың еңбек және мамандық салалары бойынша кадрларға қажеттілік туралы болжамды сұраныс;

– елорданың ТжКБ, ЖОО түлектерінің мамандықтар бөлігінде болжамды саны туралы ақпараттар жинау;

– жұмыс берушілердің экономиканың әртүрлі еңбек салалары бойынша жұмыс орындарын құрудың мониторингі.

Елорданың халықты жұмыспен қамту орталығы «Халықты жұмыспен қамту туралы» Қазақстан Республикасының (2016 жылғы 6 сәуірдегі № 482-V ҚРЗ) Заңы негізінде еңбек нарығына талдауды жүзеге асырады.

Еңбек нарығын талдау мақсатында елорданың жұмыс берушілерінен салалар мен мамандықтар бойынша 2019-2023 жылдарға арналған кадрларға қажеттілік туралы сұраныс жүргізіледі.

Жұмыс берушілерде кадрларға қажеттілікті болжаудың орташа мерзімін (5 жыл) қалыптастыру біздің қаламыздың ЖОО мен колледждерінде білім алу үшін мемлекеттік тапсырыстың мамандықтар тізбесін реттеуге мүмкіндік береді және білім беру ұйымдары жұмыс берушілер үшін өте қажет кадрларды даярлауды бастайды!

Жұмыс берушілерден алынған мәліметтер негізінде 2019-2023 жылдарға арналған кадрларға қажеттілік әртүрлі білікті мамандықтар бойынша 45 мыңнан астам мамандарды құрайды;

оның ішінде көп бөлігін – білім беру саласы 18 120 адам, денсаулық сақтау саласы – 3 574 адам, сауда және қызмет саласы 2 957 адам, құрылыс саласы 2 939 адам, көлік саласы – 2 092 адам және т.б.

Бұдан басқа кадрларға қажеттілік болжамын құру негізінде сұранысқа ие кәсіптер мен мамандықтар тізбесі анықталды.

Елордада жоғары сұранысқа ие мамандықтар болып – бастауыш сынып мұғалімі, ағылшын тілі оқытушысы, қазақ тілі мен әдебиеті мұғалімі, орыс тілі мен әдебиеті мұғалімі, математика мұғалімі, мектепке дейінгі білім ұйымының тәрбиешісі, тәрбиеші көмекшісі, дәрігер, медбике, IT маманы, сатушы, санитар тазалаушы, автобус жүргізуші, менеджер, инженерлер, аспаз, электрші, сантехник-слесарь болжануда.